L’amore riposto
Pupazzo gonfiabile della collezione Niki de Saint Phalle
Mi sarò anca un bastian contrario che già quando xero molto giovane me sacagnavo coi miei amici che mi dicevano che xero un mona, un poareto che non capiva niente de tose parché a mi m’è sempre piaciuta a dona picoeta, rotondeta come na paeta che la pare scopiar, mica tute ste stangonasse che sembran solo dee cavaasse magre magre che nó ghan gnanca un po’ de carneta da tocar.
E il cielo el me gha premià parché a prima volta che go visto la me Roseta xe stata una fulminasion: un metro e sinquantasinque, tuta d’un pesso come un balon de futboll da soto al collo a tuta a pansa, un sederon grande come una porta e du gambote forti e muscolose che drento al fusò, che ghe piase tanto, sembran du salamotti freschi. Quando a faso girar seminuda par casa me par na trotoeta balerina.
Cusa ti te me varda, delinquente, la ride, fasendo a finta lamentosa che la va pazza de xer amirada. Te vardo a ti, steeta mia, che ti te xe a cosa più bea che me ga capità en tuta la vita.
Xe un’amante genuina, la me Roseta , che xe tanto picoeta che a posso manovrar come me piase a mi e a leto xe una furia de devosion, a fare l’amore se presenta sempre tuta perfettina co a mutanda e il regipeto de animale, il leopardo e a zebreta, e a mi me fa tanti baettini che mi do fora de mato.
Xe sempre ela che conduce il gioco, vardame e nó tocarme che faso tuto mi, briccon, me grida, e me fa patir e pene del’inferno per poi portarme sul paradiso.
Me fa sempre tanto a presioseta, ma poi al massimo de la passion me ghe se buto adoso e me avinghio contra e abrazo forte forte come un serpenton, e ea buta e coscettine par aria e me fa tocar el punto gi.
Che amor de cicioeta è la me Roseta, che mi go una vera adorasion par la mi galineta, xe perfeta e fatta su misura par mi, che quando g’avemo finìo de far e nostre cose ghe do una bea lavada e una siugada e non la par gnanca usada, ghe do a sua sgonfiada, al me bel bambolon, che go sempre paura che me se sciupa e me scopia, e la ripongo nel casetin da stansa, dove la me aspeta tuta contenta, pronta par prossimo incontro de passion.
